الرئيسية
دخيل عينك 2 كيلو خبز ........... تكرم عيونك يا افندي ..........
عمو عمو لو سمحت بدي كيلو خبز ...... اي عمو على راسي من فوق ......
خالتي اذا بتريد بدي رغيفين خبز ...... تكرمي يا حجة .......... ثواني بس ليطلعوا من بيت
النار ..... اي عم استنى ............
( و فجاة ) هاتلك شي 10 كيلو خبز يا قبضاي .......
تكرم عيونك يا اخي بس على الدور لو سمحت .....
شو دور و ما دور عم قلك بدي 10 كيلو خبز ........
و انا عم قلك على الدور ....... بعدين الحجة هي بدها بس رغيفين و عم تستنى على الدور
انا مو شايف حدا و بدي هلق الخبزات
يا اخي الله يرضى عليك بالدور ...... في قبلك صغار و شباب و كبار و كلهم عم يستنوا
بس انا قلتلك مو شايف حدا و بدك تمشيني
يا خالتي الله يرضى عليك و على صحتك كلنا عم نستنى ........
يا حبيبي ما صفي غيرك يا ختيارة تعلمني
يا ابو الشباب الحجة ما غلطت و عم تطلب منك بس توقف بالدور
شو أمرت ....... ما سمعتك ....... سمعني .......... ( و بيرفع عن زندوه المفتولة )
متل ما سمعت ( صوت تالت من ورا )
ايوا شو ما شالله كلكم صرتوا تفهموا هلق ..........
شو رأيك تقصر الشر و يا أما بتوقف متلك متل غيرك يا أما ما في خبز ( صاحب الفرن )
اي لا ما رح اقصر الشر و بدك تعطيني خبز هلق شو قلت
( و بتعلى الاصوات و بتطول الايداي و طاخ طيخ ....... و طاخ و طيخ )
يا عمو الله يخليك بعد عن البابا ........ ( و صوت بكى الطفل ما عاد ينسمع من كتر الصياح )
بعد شوي ........ بوم بوم صوت رصاص بالهوا
شو يا حقير انت و هو عاملين زعران و ما تتخانقوا على الفرن . لك انتوا مين مفكرين حالكم ولك
حقير ( و بتبعد الناس عن بعضهم و رجل طويل عريض واقف و بايديه المسدس )
ما في شي ما في شي سيدي ...........تفضل تفضل
بس من بين الاصوات في صوت اختفى بالمرة .............. و بيطلع صوت واحد
حسن ....... حسن ...... بابا حسن رد علي .............
قتلت الولد ............. الله لا يوقفك
كل واحد بروح من طريق و بظل الاب حاضن ابنه الي مليان دم و يقول ......
اله يلعن ابو الخبز ............... الله يلعن ............................................. و بيختفي
الصوت
