كركوب مضيع اهلا بك

شكرن على الترحيب
صدقوني ما في شي بهالدنيا مستاهل الواحد يتحرك من شانو
بعرفكن عن حالي
انا يللي ضيع اسمو و عنوانو

شوف يا سيدي كركوب مضيع ..أنا بعرفك من سنتين تقريبا أو أكتر شوي ..ومن يوم ما عرفتك بعدك مكانك وعلى نفس الكرسي ..وبنفس التياب ..وبنفس التشاؤم ..
يحرق حريشك مطرح ما بيحرقوا الحريش...

طيب مضيع عنوانك لان ما الك خلق تروح تدور عليه ..
قوم تحرك

يللي عم يقولو زوربا مضبوط 100 بالمية
بس شو بدي اعمل اذا كان كل كرسي بيحطولي ياه من شان اقعد عليه بيكونو حاطيين عليه غرة من شان يغروني فيه
و انا سريع اللصق ... يعني اسرع من الالتكو

و على سيرة الغرة
انا اكتر شي بيغريني هي المصاري و من ثم النسوان
اعذروني
انا صريح
بس هي الحقيقة يللي مدوخة كل الشباب العربي و الغير عربي

و على سيرة العرب
بتعرفو انو العرب اول من اخترع الصفر
و بعدها صارو صفر عالشمال

بدي اشكر كل مين رحب فيني ... و كل مين مطنشني

بس رجاءاً ما حدا يقوص .. مشان ما تجي الشرطة ... هداك اليوم قوصوا بعرس إبن خالتي قام إجو عفطو العريس .. هل المعتر طول عمرو حظاتو قلال .. و مرتو المسكينة ... غوطنت و داخت و لعت نفسها على قد ما شفطو فيها بالسيارات ... تقول كانوا بسباق رالي سورية الدولي ... قام وصللوها بطريقن عالمواساة آخر شي ... عطوها إبرة دفليكون ...و الممرض قبض حق الإبرة تلاتميت ليرة و حطا بجيبتو لأن الدكتور المناوب قال مو هون ... ( أبصر و ينو! ) .. شنو كان اليوم جمعة ... و ستي الله يرحما ... قالتلن البنت يلي بتطلع من بيت أهلا عبيت جوزا نهار الجمعة، مرجوعا عبيت أهلا ... بس ما حدا رد عليها ... و قالتلن الصابون يلي بيفوت عالبيت نهار الاتنين ، رح يغسلو فيه الميت ... و هيك مات جوز بنت حماها لسلفها لبنت عمتي من غير جد ... و غسللو بنفس الصابونات يلي جابوهن يوم ااتنين ... فلازم الواحد يدير بالو

له له له له

شكلك مكركب كتير كتير
و مضيع أكتر و أكتر بس ما لازم تسكت ع حالك و تضل هيك

نسيتنا نقلك أهلا و سهلا

جيفارا كتب:و النظاره؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

النظارة هي هو مستعيرها من حدا ..يمكن من زاكر

شكرن يا جيفارا على الترحيب
بس كنت متمني تدليني على طريقة لاقي فيها حالي
بعدين الكركبة بتحسس الانسان انو مهم بالحياه
يعني مو انسان خالي
و خالي على فكرة معاون وزير و اذا حدا بدو اي واسطة ما يجي لعندي لأنو ما بنقبل الوسايط سواءا الوسائط المتعددة او الغير متعددة و انا اؤيد تعدد الزوجات ... يعني الواحد فينا وين بدو يروح بحالو ... الله يعين الشباب .. هلكتنا هيفا وهبة ... كل شوي و التاني بتهب علينا بفنها المغري بالغرة

من شان الطائية و النظارة فانا حقول الحقيقة و لا شي غير الحقيقة (حاسس حالي بحكم العدالة)
هدول فعلا للأخ زوربا
و انا نصبت عليه
مو من شان شي
بس من شان علم على شي حدا
حاجة
حاجة الناس كلها عم تعلم على بعض و انا عم اتفرج
فقررت اني ادخل بهاللعبة

يعني قررت طبق القاعدة يللي بتقول:
إلك معنا و ما معنا
و لما يصير معنا
الله لا يجمعنا

كركوب مضيع كتب:شكرن يا جيفارا على الترحيب

شكرن شكرن

هلأ انا ليش حاسس انو الزمن بطئ جدا مع اني مو منتظر حدا ... يعني ماحدا اتصل فيني و عزمني عالعشا مثلا
مع انو عندي رفقات كتير .. و على اساس كلو بيحبني .. حبهن ابو بريص كلياتن شو عالم بمية وش
فعلا متل ما قالت فيروز : حبة بعضن ... تركو بعضن ... واصعب شي انو الواحد يترك يللي بيحبن .. لأنو بيندم كتير ... و بيضل يدور طول عمرو على لحظة تجمعو فيهن ... مع انو كانو جنبو .. بس مو حاسس بغلاوتهن

ممكن اسال سؤال للقائمين على هالمنتدي اللزيز و على راسن الاستاز الكبير زوربا
ياترى اذا الواحد صار عندكن من افضل 10 اعضاء شو بتعطوه ؟؟؟
و لا بس شكر بشكر .. يعني متل مؤتمر القمة العربية

يا ريت يكون في عنكن جوائز عينية قيمة يعني مو رمزية .. طبعا مو رمزية تبع المسلسل يللي ما فهنا منو و لا كلمة
لأ وشو بتقول رمزية بطلة الرواية : لقد انهزمت شر هزيمة حين انتصرت على نفسي

المهم بدنا هدايا محرزة

وشكرن

انتي خلي جوجو تبعتلك النظارة و الطائية من شان تتصوري فيهن انتي ... بس خليها تبعت نظارة اصليه ... مو تقليد ...و بعدين بتنكريهن عليها و هيك بتصيري متلي
و اذا ما بدك تصيري متلي .... تصطفلي ... انتي يللي حتخسري النظارة ... مو انا

كانو حاسة الشباب قاعدين بمضافة و نازلين مسايرة

شو عم يصير هون

بعدين يا مضيع حالك يا عمي ما تروح تشوف وين اخر مرة تركتها بلكي هه بلكي بتلاقيها صايرة احسن

بعدين فضحتوا لله بقصة الطاقية و النظارة

زوربا ما بعرفك كريم كل هيك و اذا نصب ما بعرفك بتسكت على حقك

ايه خير اشالله و لله يجيرنا من الاعظم

مكركبة جدا كتب:اهلا اهلا كركوب مضيع ......

شو القصة اليوم كنت الصبح بالمنتدى وما كان في شي .... بس وثلت كركبتنا كلنا

اهلا وسهلا ولوووووووووووووووو

هاد كركوب مضيع مو قليلة يا عمي