احيانا بتكون بحالة انتظار...وبتنتظر شي هو بالأصل مو شي ..بس بتنتظر ليصير شي مشان تنتظره، والوقت بيمرق عليك وانت عم تستنى وتنستنى وتستنى بعدين ... بتنسى شو كنت عم تستنى ..بس بتضل تستنى لانه ما عندك شي احسن تعمله ...يمكن الملل اكبر دافع لانك تغير. مثلا بدك ما تكون قاعد وانت عم تستنى ..تقوم توقف، وتقول القناعة كنز لايفنى.. وتحس انك عملت شي ...شو هالشي الفظيع الي عملته؟ شو غيرت يعني؟ ولا شي .. انا بقلك ولا شي ... وشو ما حاولت تغير مش رح تغير شي ... ولشو لتغير اصلا ؟؟ مش حلو التغيير...حلو انك ما تستنى تتغير .. او تغيّر.. بس تستنى انه يصير الشي الي عم تستناه شي ..مشان تستناه لانه اذا ما صار شي مش رح تدر تستناه وانت بحاجة انك تستنى شي شو ماكان ...حتى لو ما كان شي.... وبعد ما يتغير كل شي ، بخيب املك بكل شي لانه ولا شي كان شي وولا شي بيستاهل يصير شي او تستناه ومنرجع منعيد الكرة بس مع اشياء مختلفة منعتبر انها مش رح تخيبلنا املنا بس على طول بخيب وعلى طول منعيد ... ليش؟؟؟ قولكن في شي سبب؟؟؟ ولا متل كل شي بلا سبب؟؟
انضم إلى المنتدى ، فالأمر سريع وسهل